Bagong crush

Guys, ipinakikilala ko nga pala senyo ang aking future ex-wife, si Kristine Santamena. Isa siyang model.

Crush ko siya kasi "fresh" ang dating niya sa akin, 'di tulad nina Anne Curtis, Solenn Heussaff, Georgina Wilson, Lovi Poe at kung sinu-sino pang babad na sa billboard, magazine at TV commercials ang beauty at kaseksihan. Nakakasawa na sila! Oo, mala-diyosa sila at masarap pagnasaan, at kung iimbitahin nila akong maglaro ng strip poker sa kuwarto nila, siyempre payag ako. Ano 'ko, tanga?

Pero 'ika nga ng mga dalubhasa, kahit paborito mo ang adobo, kung araw-araw 'yan ang ihahain sa 'yo ng nanay mo, darating ang panahon magsasawa ka rin. Maghahanap ka rin ng ibang puta -- este -- putahe pala! Darating ang araw maghahanap ka rin ng menudo. Gan'un ang nararamdaman ko kina Anne, Solenn, Georgina at Lovi. Naumay ako.

Kaya ngayon may bago na 'kong crush. At tulad nina Anne et.al., sexy din siya at long-legged at magaling pumorma. Hiling ko lang, manatili sana siyang low profile. Selfish kasi ako; ayoko ng maraming karibal.

Fan sign

Eto ang pampainit na bumulaga sa akin nitong maulan na Miyerkules ng umaga: isang "fan sign" mula kay Leonissa Mae Issabel Floriano, isa sa mga katsokaran ko sa Facebook.

Bagama't mukhang retokado (i.e. Photoshopped) ang larawan, okay na sa akin 'to dahil mababaw naman ang kaligayahan ko. Sapat na sa akin na nag-effort ang sinumang henyo na may pakana nito para ilagay ang napakaganda kong pangalan sa cardboard na hawak ni Leonissa, na may ambisyon 'atang humilera sa mga tulad ni Mocha Uson, Nathalie Hayashi, at Jahziel Manabat -- mga tsikas na napaka-generous maglantad ng kanilang, um, mga natatanging yaman sa Internet para sa ikatatahimik ng kaluluwa ng mga simpleng manyakis na tulad ko.

Para d'un sa mga interesado kay Leonissa, silipin na lang ang kanyang Facebook page. Hindi kayo magsisisi, lalo na kung trip n'yo 'yung tinatawag na "exotic beauty." Narito ang dalawang sample pictures niya:

Ayos ba mga 'tol? Kung trip niyo siya, add niyo siya sa Facebook at mag-request din kayo na gawan niya kayo ng fan sign.

Usapang boksing

Papawis tayo, baby.

Para sa akin, tanga o bulag o sadyang utak-talangka lang ang sinumang naniniwala na fair ang pagkapanalo ni Timothy Bradley laban kay Pacquiao nitong nakaraang weekend sa Las Vegas. Bagama't malayo ang ipinakita ng Pambansang Kamao sa tinatawag na "vintage Pacquiao," hindi rin naman gan'un kahusay ang ipinamalas na talento ng Amerikanong boksingero sa ring. Sang-ayon ako kay Quinito Henson na bagama't tila malamya si Pacquiao sa huling rounds ng laban, hindi rin naman gan'un kasigasig si Bradley para mag-take advantage sa sitwasyon. Sa 12 rounds, apat lang siguro rito ang maaaring ibigay kay Bradley. And yet siya ang hinirang na panalo ng dalawa sa tatlong hurado. Holy shit!!! May papel ba dito si Lolit Solis?

Sa totoo lang, mas boring pa sa pasyon tuwing Holy Week ang naging laban ni Pacquiao at Bradley. Kung talo si Pacquiao, mas talo siguro 'yung mga mokong na gumastos ng malaki para mapanuod ang nasabing laban ng live, sa sinehan man o sa bar o saan mang lupalop na may Pay-Per-View at alak. Sigurado ako na marami sa kanila ang nakaramdam lang ng pulso nang i-announce na panalo si Bradley. (Si Chavit kaya, magkano ang natalo sa pustahan?) Ilan sa kanila ang nagbuhos ng sama ng loob sa Twitter at Facebook, habang ang ilan naman ay naging zombie at nilamon ang bituka at atay ng katabi nila.

Pero life goes on, ika nga. Talo si Pacquiao. Malamang walang motorcade sa Maynila at bagong SUV o designer bag si Mommy Dionisia. Hindi ito katapusan ng mundo. Magsisimula ang katapusan ng mundo kapag naisip natin na isang napakagandang ideya ang magkaroon ng Senator/Vice President/President Pacquiao. Whoa! S'an nanggaling 'yung hirit na 'yun?

Nathalie, oohhh

Si Nathalie, ang aking muse.

Tangina, June na pala. Parang umutot lang ako tapos na agad ang May. Anyare? Hindi mo namamalayan, bukas, makalawa, Pasko na naman! (Nathalie Hayashi, kelan mo 'ko sasagutin? Trip na trip kitang kakulitan sa Facebook kahit 'di mo sinasagot ang mga message ko. Okay lang. Kuntento na ako sa mga litrato mo lalo na kapag gabi at maulan at ako lang mag-isa dito sa apartment.)

Putris! Sa'n nanggaling 'yung hirit na 'yun?

Praning ako ngayon, mga bro. Kamakailan kasi nag-resign ako sa trabaho matapos kong sapakin ang baklang team leader namin. Akalain mo ba namang bigyan ako ng pasang-awa na evaluation? Hindi tuloy ako naging qualified sa ASA o sa Annual Salary Adjustment namin. Umaasa pa naman ako sa ASA na 'yun. Kaya 'yun, nang matiyempuhan ko si Baklang Team Leader sa CR, hinarap ko siya sa pinaka-professional na paraan na alam ko: kamao sa bunganga!

Kaya ngayon jobless ako parang si Renato Corona, at nabubuhay na lamang sa manaka-nakang writing assignments (translation: limos) mula sa mga taong may ginintuang puso. Mabuti na rin at may kaunting barya akong naipon sa alkansiya, kahit papaano ay may pambili ako ng Gran Matador at yosi at Internet prepaid card para panlaban sa lungkot.

Siyanga pala, nagsusulat din ako ng nobela --- nobelang bastos! Kung papalarin may bibili nito at makakapag-buhay don ako kahit sa loob lamang ng ilang linggo. Saka na muna ang detalye; naniniwala kasi ako sa usog.

Haaay buhay.

Nathalie, will you marry me?

Adik!

Anak ng pating! Madaling araw na pala pero naka-online pa rin ako. Sampung oras na 'ata ako rito ah, ihi at tae lang ang pahinga. Kahit na nung bumisita 'yung kapitbahay naming maganda at sexy na crush ko, hindi pa rin ako bumitiw sa Internet hanggang sa mabuwisit siya't lumayas na nakasimangot at mainit ang ulo. Shit siya, busy ako eh!

Huma-Hayden Kho ang gago.

Anyway, matagal kasi akong nawala sa sirkulasyon at na-miss ko mag-Internet. Nagbakasyon kasi ako nang mahigit isang linggo sa probinsiya namin kung saan puro manok, itik, tuko at baboy ngunit wala namang signal. Malas, kasi dinala ko pa ang laptop at Smartbro ko pero wala naman palang silbi 'yun kasi binomba raw ng mga putanginang NPA 'yung cellsite doon. Kahit tuloy cellphone ko nagmistulang alarm clock lang ang silbi. Buwakananginabitch ha!

Pero okay lang kasi nakapagbakasyon naman ako. Nagpataba na parang baboy. Walang ginawa kundi matulog, kumain at mag-jakol hanggang sa mamanhid na ang kamay at burat ko. Sa wakas, muli kong naranasan manuod ng sunset sa tabing-dagat at uminom ng lambanog kasama ang mga mangingisda, magsasaka, matadero at embalsamador. Enjoy din kahit papaano, kahit walang Facebook at YouTube at YM. 'Yun nga lang, na-miss ko ang porn. Sobra!